"Euskaraz bai, musikaz blai" lelopean inauterietako jaialdia egin dute Laskorain Ikastolan. Aurten bi gune ezberdinetan gauzatuko dituzte emanaldiak: Haur Hezkuntzakoak, Sakramentinoetako patioan egin dute, eta Lehen Hezkuntzakoak, berriz, Usabalen.
Txikienek, Tolosako Inauteriak hartu dute gaitzat. Gauzak horrela, egun hauetan Tolosan egiten diren ezinbesteko ekitaldiak dantzatu eta antzeztu dituzte. Txupinazoa, haur danborrada, Diana eta Sardinaren hiletan hain zuzen ere. Lehen Hezkuntzakoek, berriz, euskal kantuak izan dituzte ardatz. Mota eta kolore ezberdinetako doinuak nagusitu dira Usabaleko patioan. Jakina, mozorro koloretsu eta dotoreekin lagunduta.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!