Jendez bete da zezen plaza lehendabiziko zezen festan. Herritar ugari jarri dira zezenen aurrean, eta hauen gainetik egindako jauziak ere eskaini dituzte ausartenek.
Gogotsu hartu du jendeak lehendabiziko zezen festa. Jendez bete da zezen plaza, eta giro polita nagusitu da. Herritar asko ausartu dira plazaren erdigunera jaistera, eta beste asko zezenen aurrean jartzera. Zezenak toreatzen eta horien aurrean akrobaziak egitera ohituak direnak baziren, eta tartean, sustoren bat eragin duenik ere bai, zezenak harrapatuta edo atzetik jota. Txarangen musikak eta herritarren kantuek borobildu dute zezen plazako ikuskizuna.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!