21:30ak aldera, Ertzain auto batek furgoneta bat ikusi zuen Usabal industrialdean. Bertan, bi pertsona zeuden, eta susmatu zuten horietako batek zerbait utzi zuela autoaren atzealdean. Ertzainak identifikatzera gerturatu ziren; ertzainetako batek furgonetaren behealdean begiratu zuen eta 25 gramo speed eta balantza bat aurkitu zituzten, Segurtasun sailak jakinarazi duenez.
Ibilgailuaren barrualdea miatu zuten, eta marihuana poltsa bat topatu zuten. Ertzainek atxilotu egin zituzten osasun publikoaren aurkako delitua egotzita, eta ostegun goizean epailearen esku utzi dituzte.