Guztira 105 aparkaleku txertatu ditu, udalak, egin berri duen eskaintzan, eta Arrillaga plazan daude, Tolosako Larramendi auzoan. Urtean 480 euro (BEZa barne) ordaindu beharko da aparkalekuen alokairua eta, gehienez ere, hiru urteko kontratuak egin ahal izango dira.
Zozketa publikoa egingo dute, eta zozketaren ondoren urtebeteko kontratua egingo dute; datorren urtean, beste bi urterako luzatu ahal izango da. Hilaren 30a izango da izena emateko azken eguna. Zozketan parte hartu ahal izateko baldintzak udalean edo www.tolosa.eus-en daude.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!