Gotzaindegiak zabaldutakoaren arabera, bi adingabekori "ukituak egitea" leporatzen diote. Mendizabalek bere apaiz ibilbidea Tolosan hasi zuen, 90eko hamarkadan.
Donostiako gotzain Jose Ignacio Munillak iazko martxoan izan zuen salaketen berri, eta handik hilabetera kargugabetu zuten Juan Kruz Mendizabal, ordura arte Gipuzkoako bikario nagusi zena. Gotzaindegiak zabaldu duen informazioaren arabera, 2001ean eta 2005ean gertatutako abusuak jasotzen dira salaketa horietan, zehazki bi adingaberi egindako "ukituak".
Ohar baten bidez Eliza katolikoak jakinarazi du gertakariak "egiaztatu" ostean, Mendizabal errudun jo dutela eta "zuzenbide kanonikoan jasotako zigorrak" ezarri dizkiotela.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
