Igande arratsaldean, 21 eta 23 urteko bi pertsona atxilotu zituen Ertzaintzak, auto batetik janaria, tabakoa eta arropa lapurtzeagatik.
16:30ak aldera, ertzaintzak bi pertsona ikusi zituen motxila handi batekin. Pertsona horiek aurrekari penalak zituzten, eta delitu bat egingo zuten susmoa hartu zieten. Jarraitu egin zieten, eta parke batean motxila arakatu zieten. Bertan, janaria, arropa eta tabakoa aurkitu zituzten. Hain zuzen, aurrez herritar batek salatu zuen produktu horiek lapurtu zizkiotela autotik.
Ertzainek bi gazteak atxilotu zituzten, eta epailearen aurretik igaroko dira datozen orduetan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!