Kubatarrek kalean eta esloveniarrek Leidorren, ezustekoa eman dute
Asier Imaz
2016ko urr. 29a, 21:09
Santa Klara elizan ospatu da Tolosako Abesbatzen Lehiaketaren larunbat goizeko jardunaldia. Arratsaldean, Leidorren bi saio izan dira. Bihar, hiru saio izango dira, guztiak Leidorren.
Kubatarrak goizeko saioa amaitu ondoren, Santa Klaratik Trianguloarako bidea hartu dute. Bertan, azoka berezia ospatzen ari ziren, eta amerikarrak oholtzara igo dira, abesbatzak kalera atereaz. Bertan, ezustekoa etorri da, euskaraz abesten hasi direnean. Lehenik Oi ama Euskal Herri eta ondoren Hegoak ebaki banizkio kantatu dute.
Arratsaldean ezustekoa Leidorren egon da. Esloveniako ST. Nicholas Choir Litija abesbatzak entzuleak txaloka jarri ditu, baina amaierarik gabeko txaloak ziruditen. Emanaldi bikaina eskaini dute europarrek.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!