Iosu Lasa artistaren bisita izan du Ataria Irratiak, Oskar Tenaren eskutik. Izan ere, asteartero Tenak Pasahitza saioan duen artearen txokoan gonbidatu berezia izan zuen atzokoan Tolosako Lanbroa tabernan ikusgai dituen lanen harira. Hilabete guztian ikusgai izango dira artista legazpiarraren lanak eta gainera hauek erosteko bidea ere eskainiko du erakusketak. Lasaren lanaren oinarrian onirismoa dago, fantasiazko irudiak, barne mundu aberatsaren adierazgarri.
Duela 20 urte ekin zion marrazketa lanari Debako arte eta lanbide eskolan, «barruan nuena trazatzen nuen». Paperean zuzenean marrazten du, aurretiko zirriborrorik gabe, rotring beltza erabiliz, kolorerik gabekoak dira bere marrazkiak. Hil osoan ikusgai egongo dira Lanbroan.
