Hurrengo bi saioak urtarrilaren 7 eta 14an izango dira, 10:00etatik 14:00etara. Herriko 12 urtetik aurrera dituzten emakumeek parte hartu dezakete eta nerabe zein langabetuek ez dute ikastaroa ordaindu beharko. Gainontzekoek 5 eta 10 euro artean ordaindu beharko dute saio bakoitza. Udalak hala ere, emakume guztiak animatu nahi ditu parte hartzera eta horregatik egoera ekonomikoak medio joaten ez direnei laguntzeko prest dago.
EGUNEROKOA IZAN EZ DADIN
«Indarkeria matxista eguneroko ogi bihurtu zaigu. Ia egunero dugu horrelako berriren bat. Gure kaleetan, etxeetan, herrietako jaietan... edozein lekutan gertatu izan da. Hala ere, oraindik salatzen ez diren indarkeria matxista kasuak ere ziur badaudela», esan du Leaburu-Txaramako Udalak.
Horren aurrean, «ezin gara geldi egon», nabarmendu du, eta hori dela eta antolatu dute autodefentsa feministako ikastaroa. «Gure herriko emakumeon defentsan» antolatu du ikastaroa udalak.
.jpg)
Leaburu-Txaramako Udalak indarkeria matxistari aurre egiteko egindako apustuaren barruan, autodefentsa ikastaroa antolatu zuen eta oraindik parte hartzeko aukera dago.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!