Zizurkilgo Udalak maiatzaren 20ra arteko epea jarri du herriko kultura, kirol eta euskara elkarteentzat, edo, herrikoak izan ez arren, Zizurkilentzat interesekoak diren jarduerak gauzatzen dituzten elkarteentzat diru-laguntza eskaera egin ahal izateko.
Eskaerak Zizurkilgo Udalaren bulegoetan aurkeztuko dira: Teodoro Hernandorena 6 helbidean edo Ernio Bidea 9A, behean. Eskaera-orriarekin batera, honako dokumentazio hau aurkeztu beharko da:
- Beste administrazio, instituzio edo entitate publiko zein pribaturen aurrean egindako dirulaguntza eskaeren ziurtagiria.
- Urteko programa edo jardueraren memoria esplikatiboa
- Programa edo jardueraren diru-sarrera eta gastuen aurrekontu zehaztua
- Dirulaguntza eskaerak aztertu eta baloratzeko kontuan izango diren aspektu edo irizpideei buruzko memoria edo dokumentazioa