Apirilaren 21era arteko epea dago deialdian izena emateko. Interesatuek eskaera Zizurkilgo Udalaren Aurrerako udal-bulegoetan egin beharko dute. Eskaera-orriarekin batera, curriculuma eta eskatutako titulazioaren kopiak ere entregatu beharko dira.
Honako hauek dira izangaiek bete beharko dituzten baldintzak:
- Lanak egiteko funtzio-gaitasuna izatea.
- 16 urte beterik izatea eta nahitaez erretiratzeko adinera iritsi gabe egotea
- Diziplina espediente bidez baztertuta ez egotea herri administrazio, organo konstituzional edo Autonomia Erkidegoetako estatutuen araberako erakunderen batetik
- Titulazio akademikoa: Batxilergoa, 2. mailako Lanbide Heziketa edo parekoa den titulazio-maila izatea, edo titulua eskuratzeko eskubideak ordainduak izatea (atzerriko tituluen kasuan, homologazio-egiaztagiria beharko dute)
- 3. hizkuntza-eskakizuna edo baliokidea izatea
- Absysneten formazio ofiziala egina duela edota programaren ezagutza egiaztatzea, dagokion dokumentua aurkeztuz
- Liburutegi batean gutxienez 6 hilabetez lan egin izana
Aldi baterako kontratua izango da, lanaldi murriztukoa. Lan-poltsaren deialdiaren ebazpena atera arte iraungo du, eta, gehienez, 2016ko abenduaren 31ra arte.