Datorren hilaren 4an, Agate Deunaren bezperan, kalera aterako da Alegiako Txintxarri abesbatza, urtero legez. Azken urteotako ohiturari jarraituz, herriko Zazpi Astoren Gainean bertso eskolakoekin batera kalez kale ibiliko dira abeslariak. Herritarren parte hartzea bultzatu nahi dute, eta horregatik, herritar guztiei dei egiten diete eurekin batera santa eskean ibil daitezen. Egun horretarako entsegua egingo da bihar, osteguna, 21:00etan Alegiako kultur etxean.
Egun horretarako entsegua egingo da bihar, osteguna, kultur etxean, 21:00etan hasita.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!