Gaur egun bizi dugun testuingurua ikusirik, garbi ikusten da kapitalismoa, langile eta
herritarren nahien gainetik, gutxiengo baten interesak defendatzen dituen errealitate
bat dela, zapaldu eta zapaltzaileena. Hori jakinik, zapalduak garen heinean ezinezkoa
da gure eta beraien interesak kontrajarriak ez izatea.
Gu, askatasuna oinarri, egunero teoria eta praktika berrien bitartez osatu eta indartzen
doan herri boterea gara. Beraiek aldiz, interes pribatu gupidagabeen ekonomia,
kontsumoaren kultura indibidualista eta, finean, herritarron zapalkuntza oinarri duen
sistema baten bultzatzaileak dira. Modu garbi batean eskuak eta hankak lotzen
dizkigun sistema. Gure bizitzak zapaldu eta suntsitzen dituen kaka! Betiko kaka, ostia!
Gazteok ere lehen maila batean jasaten dugu kaka guzti hori. Lana edo hezkuntzatik
hasi eta sexualitateraino.
Hala ere, kaka honetan murgildurik egon arren herriaren boterearen argia beti egon da
iraun eta geroz eta argi izpi handiagoak zabaltzen. Honen erakusle dugu Langile
mugimenduren historia. Bai mundu mailan sortu izan diren askapen borrokekin; baita,
eta bereziki; gure herrian emandako borroketan Euskal Langile Herriak eduki duen
nagusitasun eta garrantziarekin.
“Nahiz eta zakurrek zaunka egin iraultzaren trenak aurrera darrai” esaldiak oso ongi
deskribatzen du gure historia. Hala ere, garbi dago zaunka egiteaz gain trenari
oztopoak jarri eta beraien iluntasuna zabaltzen saiatuko direla.
Gaur egun horrelako egoera batean aurkitzen gara. Euskal Langile Herriaren eta
munduko herri guztien askapenerako bidea zapuztu eta erasotzen ari diren unean.
Soilik begiak ixten dituenak ez ditu ikusten herritarren aurka doazen pribatizazioak,
gazteon prekarizazioa, emakumeon zapalkuntza, amalurraren aurka doazen proiektu
ustelak eta abar luze bat.
Baina eraso guztien gainetik Euskal Langile Herriaren erresistentziak tinko irauteak
herri boterea edozein indar ilun baino indartsuagoa dela erakutsi du. Beraz, herri
boterearen argiari eutsi eta erasoen aurrean inoiz baino indar gehiagorekin erantzun
behar dugu.
Hala ere garbi dago beraien ereduaren eta erasoen aurrean tinko altxatzeaz gain gure
herri boterea praktikan jartzen ez goazen heinean ez dugula askatasunerantz benetako
pausurik emango. Beraiek beraien eredua indartzen ari badira, gu ez gara atzean
geratuko, gure alternatibak praktikan jartzeko prest gaude eta horretara goaz.
Betiko kaka guzti hau atzean utzi eta benetan gure buruen jabe izango gara!!
Iraultzaren trenarekin aurrera jarraitzeko konpremezua hartu dugu, nahiz eta bitartean
zakurrek zaunka egin.