2023ko mai. 10a, 21:00
Libreko bi saiorekin osatu dugu irratsaioa eta Jexux Mari Irazu, Anjel Mari Peñagarikano, Amaia Agirre eta Unai Iturriaga entzun ditugu.
Urtarrilaren azken asteburuan izan zen Azpeitian 2023ko Bertso Eguna. Bertan, bost bertso-otordu egin ziren, eta, tartean, Tolosaldeko batek kantatu zuen, Jexux Mari Irazuk. Larrauldarrak Oilo Soro elkartean kantatu zuen, Unai Iturriagarekin batera. Bestalde, iragan astean Amaia Agirre eta Anjel Mari Peñagarikano Iurreamendi egoitzan izan dira bisitan, Adin-adin egitasmoaren barruan.
Irratsaio amaierako kantua: "Ai hau bizitza iluna" (hitzak: Tximela; musika. Joseba Tapia).
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!