Aurtengo jardunaldi marxistek Ibaetako ikasleentzat bi kredituren balioa izango dute. Hori horrela izateko 10 hitzaldi antolatu ditugu sozialismoaren oinarri teorikoak, oroimen historikoa eta egungo egoera lantzeko.
Krisi kapitalista, etengabeko murrizketak eta eskubide demokratikoen ezabatzea ikaragarrizko sarraskia eragiten ari dira gazteriaren eta langile klasearen eguneroko bizi baldintzetan. Zertarako? Oligarkia finantzieroaren eta enpresari handien poltsikoak aberasteko hezkuntza, osasuna, pentsioak eta oinarrizkoak diren zerbitzu sozialei lapurtutako diruarekin.
Kaleetan erantzuna ere handitzen ari da ordea, eta borroka horren esperientziak geroz eta argiago erakusten du milioika pertsonentzat mundu zabalean sistema kapitalistarekin errotik amaituko duen alternatiba iraultzaile bat ezinbestekoa dela. Jardunaldi hauek alternatiba hori lantzera doaz zuzenean: sozialismo iraultzailea.
Sozialismoaren ideiak, kapitalistek geroz eta gehiago kontrolatu nahi duten hezkuntza sistema honetatik kanpo geratzen dira, baina gizarte eredu hau irauli nahi dugunontzat erabat ezinbestekoa zaigu ideia hauek lantzea. Honela beraz, jardunaldi hauetan parte hartzeko gonbidapena luzatu nahi dizugu.
Kredituen aitorpena
Jardunaldi hauetan izena eman eta erregulartasunez azaltzen direnek Bertaratze Ziurtagiri bat jasotzeko eskubidea izango dute, 50 ordutan zifratua eta bi krediturekin balioztagarria izango dena graduko karrera guztietan. Hala ere, ate guztiak zabalik daude parte hartu nahi duten guztientzat (kredituak nahi ez dituztenentzat dohainik izango da).
Matrikula
Matrikularen prezioa 15 eurokoa da. Matrikulatzeko epea otsailaren 19 izango da. Ordainketa egiteko kontu zenbakia 3035 0156 83 1561023721 da, Euskadiko Kutxa (Caja Laboral). Ordainketa hau egiten duen orori Federiko Engels Fundazioko material sorta bat entregatuko zaio.
Programa
Hamar jardunaldi izango dira: otsailaren 12tik apirilaren 30era arte, asteazkenero (apirilaren 16 eta 23an ezik, Aste Santuko oporrengatik). Hauetako bakoitza 4 ordukoa izango da, 15:30etatik hasi eta 19:30ak arte, eta amaieran lan idatzi bat eskatuko zaie matrikulatuei, 10 ordutan baloraturikoa. Guztira beraz, jardunaldiak 50 ikastordutan geratuko lirateke, 2 krediturekin balioztagarriak izango liratekeenak graduko ikasleentzat.
Jardunaldi bakoitza bitan banatuko da eta azpian duzuen gaietako bat landuko da. 15:30etan bideo emanaldia izango da eta 17:30etan hitzaldia hasiko da. Aurtengo jardunaldi marxistetan landuko diren gaiak honakoak dira:
· Errusiako iraultza (gazteleraz)
· Errusiako iraultzaren gainbehera (gazteleraz)
· Faxismoaren aurkako borroka (euskaraz)
· Gerra zibila eta iraultza sozialista (gazteleraz)
· Gerra zibila Euskal Herrian (euskaraz)
· Marxismoa eta askapen nazionala (euskaraz)
· Ikasle mugimendua (gazteleraz)
· Marxismoa eta erreformismoa (euskaraz)
· Politika iraultzailea instituzioetan. Villaverde del Rioko (Sevilla) Langile Gobernua (gazteleraz)
· Langile mugimenduaren indarra eta kapitalismoaren aurkako borroka (euskaraz)
Informazioa
Euskal Herria Sozialista – Telefono zenbakia: 685 720 939
euskalherriasozialista@hotmail.com
www.euskalherriasozialista.net
Antolatzaileak
Euskal Herria Sozialista eta Federiko Engels Fundazioa
Laguntzailea
Ibaetako Filosofia eta Hezkuntza Zientzien fakultatea