Astelehenean egindako bizikleta festarekin abiatu zuten astelehenean Fleming astea Villabonan. Hazi gurekin. Fleming Herri Eskolan zure ametsak loratzen direlako, leloarekin egingo dituzte ekitaldiak datozen egunetan.
Asteartean patin festa egin ondoren, atzo, Arratzain eskolako bidean margotzeak egin zituzten LHko 5. eta 6. mailako ikasleek, eta gaur, 3. eta 4. mailako ikasleen txanda izango da. Gainera Arratzainen, aiton-amonen bisita jasoko dute ikasleek.
FLEMING ASTEA 2019
Urtarrilak 24, gaur
11:00. Arratzainen aiton-amonen bisita jasoko dute LHko 5. mailako ikasleek.
14:30. Arratzain eskola bidean margotzeak egingo dituzte LHko 3. eta 4. mailako ikasleek.
Urtarrilak 25, bihar
17:00. Arroako plazatik abiatuta danborra egingo da eta ondoren, buruhandiak plazan izango dira.
20:00. Afaria egingo da ogitartekoekin.
Urtarrilak 26, larunbata
10:30. Ate irekiak gaztelaniaz.
12:00. Ate irekiak euskaraz.
Urtarrilak 28-31
10:00 - 11:00. Bisita gidatuak egingo dira.