Otsailaren 28tik martxoaren 10era herriko frontoia itxita egongo da Harri Herri telebista saioaren grabazio lanengatik.
Harri Herri ETBko programa Asteasuko frontoian grabatuko da martxoaren 1ean, 2an eta 10ean, 19:00etatik aurrera. Hori dela eta, otsailaren 28tik martxoaren 10era herriko frontoia itxita egongo da eta grabaketa egunetan kiroldegiko aldagela eta saunak mugatuak egongo dira 15:00etatik aurrera.
Bestetik, otsailaren 28an, egunean zehar, 08:00etatik aurrera frontoi ondoko aparkalekua ETBko kamioiek beharko dute, eta beraz, ordu horretarako hustu beharko da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!