Eguraldia ez da arazo izan Otsabi Fest jaialdia ospatzeko. Bigarrengoz antolatu dute Amasa-Villabonan bizi eta lan egiten duten artisau eta diseinatzaileek ekimena, eta gaur inauguratu dute. Iaz Etxeondon egin zuten festa, baina Otsabi parkera aldatu dute aurten.
Bertan, hainbat artisauek postuak jarri dituzte, eta 20:00ak arte izango dira. Horien artean daude Elena, hidrolatoak; Gema, loradenda; Helena Agell, koadernaketa eta zianotipia.; Kimuri, haroi eta gyiotakuak; La reina bigotuda, belarritakoak; Limoi arroxak, ukenduak eta xaboiak; Luixi, bitxiak; Paqui eta Alonso, pintxo-kuxinak eta ointura abstraktua; Plato, zermaika; Sormen taldea, eskulanak eta Sualma, egurrezko jostailuak.
Horrez gain, tailerrak izango dira haur zein helduentzat. Yoga aulkian, Aizkardi mendi elkartearen eskutik irteera Amasamenditik karobiak bisitatzeko, ukenduak, artisau paperak eta pintzeladak izan dira goizean egin dituzten tailerrak, baina arratsaldean ere beste batzuez gozatzeko aukera izango da.
Iaz bezala, aurten ere moda desfilea egingo dute 18:00etan, eta kontzertuak izango dira 19:00etatik hasita ilundu arte.
OTSABI FEST EGITARAUA
TAILERRAK
16:00-18:00. Artisau papera.
16:00-17:00. Koadernaketa.
17:00. Ipuin kontalaria.
KONTZERTUAK
19:00. Trukean.
19:45. Peppermint Sextet.
21:30. DJ Mikel.
23:00. Zozongo batukadaren Psycho Clown emanaldia Otsabitik abiatuta.