Igandean Amasa-Villabonan egingo dute Bizipoza Jaia. Aiztondoko, Irurako eta Anoetako udal, eragile eta boluntarioek antolatu dute festa. Bertara gerturatzeko deia luzatu dute Bizipoza elkartetik.
Bizipoza Jaia egingo dute igandean Amasa-Villabonan. Bizipozaren barruan biltzen diren elkarteek antolatu dute jaia, udal, eragile eta boluntarioen laguntzaz. Elkarteko koordinatzaile Leire Elizegi, Aiztondoko Bizipozako arduradun Ainhoa Beobide eta Bizipozako parte den Etiopia Utopia elkarteko Josu Jauregik egin dute gonbita festarako.
Jaiaren bezperan Bizipoztu dantzan emanaldia eskainiko du Oinkari dantza taldeak Olaederra kiroldegian. Emanaldi beraren bi saio eskainiko dira 12:00etan eta 18:30ean. Aurrez eskuratu daitezke sarrerak, 5 eurotan, Villabona.eus helbidean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!