Kalejira batekin emango diote egunari hasiera. 11:30ean, Oinkari dantza eskolaren kalejiraren irteera izango da Txermingo Zubimusu ikastolatik eta Arroako Fleming ikastetxetik.
Ikuskizunak bere jarraipena izango du Malkar plazan. 13:00etan, bertan eskainiko baitu Oinkari dantza eskolak bere emanaldia.
BAZKARI HERRIKOIA
Eguerdi aldean, dantzak atseden hartu eta indarrak hartzeko unea izango da. Bazkari herrikoia egingo dute Bearzana pilotalekuan. Billabonatarrak gonbidatuta daude dantza giroaz zipriztintzeko. Bazkarirako txartelak Amasa kafetegian salgai daude 15 eurotan eta haurrentzat 10 eurotan. Eta azkenik, ezin beste modura egunari amaiera eman: dantzan. Errebal taldeak erromeria doinuak joko baititu Bearzana pilotalekuan.
Apirila dantzarien hilabetea da, eta hilabetea hastearekin batera Villabonako dantza taldeak bere eguna ospatuko du herrian eta herritarrekin batera. Oinkari dantza taldearen Dantzari Egunak baten baino gehiagoren oinak dantzan jarriko ditu igandean, apirilaren 2an.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!