Festen azken egunera iritsita, herri kirol lehia egin dute Amasan. Horrekin, eta martina sorginaren agurrarekin datorren urtera arte agurtu dituzte festak.
Arratsalderako hitzordua egina zuten amasarrek eta asteasuarrek Amasako frontoian. Hasieran, erakustaldi batzuk egin dituzte eta jarraian etorri da bi taldeen arteko lehia: kirol ezberdinak errelebotara egin behar izan dituzte. Ajearen laguntzaz edo ajerik gabe, erakustaldi polita eskaini dute bi taldeek. Bukatzeko, sokatira saioa egin dute eta taldeko argazki batekin amaitu dute lehia.
Erakustaldiarekin eta plazan zintzilik zen Martina sorginaren agurrarekin amaitu dituzte amasarrek San Martin festak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!