Gorpua Albiztur eta Santutxoko bidegurutzearen artean zegoen, eta inguruan ez dute beste ezer topatu. Ertzaintza eta anbulantziak bertaratu eta medikuak baieztatu du gizonezkoa hilda zegoela. Epailea eta mediku forentsea ere bertan izan dira.
Segurtasun Sailak aurreratu bezala, "hildakoaren gorpuak traumatismoak ditu, buruan zein gorputzean" eta gertatutakoa argitzeko ikerketa abian du Ertzaintzak. Polizia Zientifikoa ere gerturatu da gorpua topatu duten lekura.
Hasiera batean, ibilgailu batek harrapatu duenaren hipotesia nagusitu bada ere, hipotesi guztiak zabalik ditu Ertzaintzak. Zantzu guztien arabera, "indarkeriak eragindako heriotza" dela jakinarazi du poliziak. Bien bitartean, autopsia egitera eraman dute gorpua.