Hamar egun eta gero igandean amaituko da 19. Korrika, Bilbon. AEKk euskualdeko euskal zaleei lana errazteko asmoz, eskualdeko batzordeekin elkarlanean, autobusa antolatu du amaierako jaira joateko. Autobusa 09:30ean abiatuko da Tolosako Santa Klaratik, eta 09:45ean Villabonako elizaren parean ere geratuko da. Itzulera 20:00etan egingo dute. Autobusean joateko 10 euro ordaindu behar dira, eta Tolosako Xirimirin eta Amasa-Villabonako Iratzarren zein Amasa kafetegian erosi daitezke txartelak.
Korrika asteburuan pasa zen Tolosaldetik, baina oraindik ere bada euskararen aldeko arrrastoa jarraitzeko aukera, bihar eta etzi Korrika Txikiak egingo baitituzte; bihar Zizurkil eta Villabonan 15:00etan, eta etzi, Larraul eta Asteasun 15:15ean, batetik, eta Amezketan, bestetik. 15:00etan abiatuko dira plazatik eta ondoren, eskolan horma irudi bat margotuko dute eta dantza egingo dute.
