Korrika pasa da asteburuan eskualdetik, baina sortzen duen ikusmirak ez du etenik oraindik eskualdean. Izan ere, hainbat herritan Korrika Txikiak ospatu dituzte.
Ikaztegieta eta Altzon esaterako, euriari aurre egin diete txikienek, eskolatik irten eta plazan amaitu dute bi kasuetan.
Anoeta eta Irurako Ikastolek elkarlanean antolatzen duten Korrika Txikia, berriz, bertan behera geratu da. Horren ordez, Korrikaren inguruko ekitaldi bereziak egin dituzte. Iruran, mural bat prestatu dute Korrikaren alde, eta horrez gain, TOLOSALDEKO ATARIA-k larunbateko irudiekin egindako bideoa ikusi dute guztiek batera. Anoetan, berriz, Korrikaren inguruan sortutako lehiaketaren irabazleak saritu dituzte.
