05:00ak, euria eta hotza. Aitzakia guztiak ohearen gozoan geratzeko. Aitzakiarik ez da, ordea, euskahaldunen gogoetan, eta gauerdiari eta egunsentiari agur egin diote, gaur, Tolosaldeko milaka herritarrek, sekula baino euskahaldunago.
Hemeretzigarren Korrikak esnatu du eskualdea, eskuz esku, orpoz orpoz, lekukoz lekuko. Inazio Agirre zenduari keinu txikia egin diote Tolosako Kale Nagusian, eta kilometro hori bezain bereziak izan dira gainerako guztiak ere.
Gaur esnatu bezala, bihar eguna agurtzeko iritsiko da, berriro, euskahaldunen martxa Tolosaldera. Bidania-Goiatzen sartu, eta ikaztegietarrek egingo diote adio lasterketari, Bilbora bidean.
