Ibarrako Oier Iribarren haurrak Sanfilippo gaitza du, eta eskualdean ekimen ugari egiten ari dira dirua biltzeko. Izan ere, Stop Sanfilippo elkartearen bidez 3 milioi euro bildu behar dituzte entsegu kliniko bat egin eta gaitzari aurre egiten saiatzeko.
Ekitaldietako bat asteburu honetan izango da: Oreretako Touring KE eta Tolosa CFren arteko partida. Berazubin izango da lehia 16:30etik aurrera, eta sarrera jarri ordez, sartzerakoan kutxa bat jarriko dute, eta bertan borondatea utzi ahal izango da.
Partida Laskorain ikastolako guraso talde baten eta Tolosa CFren elkarlanari esker antolatu dute.