Harituz bertso txapelketa

Berastegi eta Amasa arituko dira nor baino nor Harituzeko finalaurrekoetan

Jendetza izan da asteburuko bi emanaldietan. Anoetan jokatutako saioan, Berastegik egin zuen aurrera; Villabonako 'derbian' berriz, amasarrak nagusitu ziren.
Anoetako kanporaketa: Anoeta // Berastegi
 
Jendetza bildu zen Anoetako Goikoetxea tabernan, Berastegiko eta Anoetako taldeen lehia ikusteko; jendea tabernatik kanpo geratzeraino. Berastegiarrak izan ziren azkenean ezin kabiturik itzuli zirenak, Anoetako taldea garaituta, finalaurrekora pasa baitziren. Anoetak agurretik utzi zuen argi txapelketa taldekakoa zela, bertso bakoitza ere taldeka osatuz. Berastegiarrek nahiago izan zuten kupela doinu ezagunean aritu, trikitixa lagun.
 
Bereziki aipagarria izan zen zortziko txikiko ariketa, inauterietan gaupasa egindako gaztea eta zezena aurrez aurre jarri zituena zezen-plazan. Hitzen asmakizunak ere nahikoa barre eragin zuen, Heidi eta Pernando Amezketarra pertsonaiak asmatzeko aitzakian. Finalaurrekoa etxean jokatuko dute berastegiarrek.
 
Villabonako kanporaketa: Amasa // Villabona
 
Lehenengo kanporaketatik hasi zen ohiturari jarraituz, giro ederra eta beroa izan zen Villabonako gaztetxean joan den larunbatean. Kantuan herri bereko bi talde, “Tolosaldeko derbia”, villabonarrek agurrean esan zuten eran. 
 
Saioa gogor hasi zuten bi taldeek, agur dotoreak osatuz, eta lehenengo ariketan ere maila ederra eskaini zuten, nola lau oinak emanda, hala zortzirekin. Hortik aurrera ere izan ziren nabarmentzeko moduko saioak: zortziko handian, txikian zein hitza asmatzen. Saio txukuna osatu zuten denek ere. Azkenean amasarrak nagusi, eta finalaurrekoetan kantatzeko gogotsu.
 
Honenbestez, asteburuak finalaurrekoetan abestuko duten azken bi taldeak erabaki ditu: Berastegi eta Amasa. Elkarren aurka ariko dira datorren larunbatean (hilak 22) Berastegiko gaztetxean 17:30ean.
Erlazionatuak

Oihana Iguaran: «Txapelketarekin bertsorako beldur pixka bat galdu du jendeak»

Tolosaldea

Otsailaren 14an ekin zioten estreinako Herriarteko Txapelketari, eta iragan ostiralean amaitu zen, Anoetako gaztetxean jokaturiko finalarekin. Anto...
Zizurkilera joan da Harituzen I. Herriarteko bertso txapelketa

Jon Ormazabal, Unai Mendizabal eta Joseba Otaegik osatutako hirukoa nagusitu zitzaien, atzo, berastegiarrei. Anoetako gaztetxean jokatu zen Harituz...
Zizurkil eta Berastegiko taldeak finalean

Erabiltzailearen aurpegia Berastegi Zizurkil

Saio ederra osatu zuten joan den ostiralean Andoaingo eta Zizurkilgo taldeek Harituz Herriartekoaren azken finalaurrekoan. Andoaingo Irunberri lepo...
Berastegi, Harituz Bertso Txapelketako lehen finalista

Amasa-Villabona Berastegi

Berastegi izango da Harituz I. Herriarteko Bertsolari Txapelketako lehen finalista Amasari irabazi ostean. Ostiralean jakingo da zein izango den be...
Zizurkil eta Andoain, finalerdietan

Zizurkilgo taldeak Alegiari irabazi zion etxean, eta andoaindarrek tolosarrak garaitu zituzten. Bi saioetan aretoak bete dira.
Zizurkil eta Tolosa, bertso lehiaren plaza asteburuan

Tolosa Zizurkil

Aurrera doa Harituz bertsozaleen elkarguneak antolatutako herriarteko bertso txapelketa, eta asteburu honetan bi saio izango dira Zizurkilen eta To...
Berastegik irabazi zuen Harituz txapelketako bigarren kanporaketa

Erabiltzailearen aurpegia Altzo Berastegi

Joan den ostiralean Berastegi eta Altzo jarri zituen aurrez aurre Harituz Herriartekoak. Altzoko elkartean egin zen saioa, afalostean. 45 lagun iza...
Alegia eta Andoain izan dira Harituz bertso txapelketako lehen sailkatuak

Erabiltzailearen aurpegia Alegia

Ostiral gauean hasi zen Harituz herriarteko bertso txapelketa, Alegian egindako saioarekin. Villabona eta Alegiako taldeen arteko lehiarekin abiatu...
Txapelketaren aitzakian, bertso-festa herrien artean

Tolosaldea

Harituz bertsozaleen elkarguneak lehenengoz antolatu du herriarteko bertso txapelketa; hilaren 14an hasiko da, Alegia eta Villabonako taldeen artek...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!