Pedro Mari Otaño eskola

Aiton-amonen eguna eta pintxo dastaketa egingo ditugu

Pedro Mari Otaño eskola 2017-05-29 10:46 Hezkuntza

Datorren ostegunean, ekainaren 1ean, arratsaldeko 16:45ean izango da hitzordua.

Zizurkilgo erraldoi eta buruhandiak eskolan

Pedro Mari Otaño eskola 2017-05-29 10:23 Hezkuntza

Egun berezia izan zen asteazkenekoa. Haur hezkuntzako haurrak erraldoi eta buruhandien inguruko proiektu batean murgildurik egon dira hiruhileko honetan.

»» Ikusi argazki guztiak (15)

P. Mª. OTAÑO IKAS KOMUNITATEA CAMBRIDGE UNIBERTSITATEAN

Pedro Mari Otaño eskola 2017-05-19 09:33 Berri pozgarria gaso dugu Pedro Mª Otañoko kideok. Joan den urtean gure ikas komunitatea ezagutzera emateko herriko eragile, ikasle, ikasle ohi, guraso, irakasle eta udaleko kideen parte hartzearekin grabatutako bideoa “Cambridgeko” unibertsitateak ingelerazko azpitituluekin itzuli du bertako ikasleei proiektu arrakastatsuen artean ikas komunitatea zer den azaltzeko. Horrelako keinuek lanean gogotsuago jarduteko indarra ematen digu. Esaterako, azken hilabete hauetan beste erronka batean murgildurik gaude, “gatazken ebazpenak eredu dialogikoan oinarriturik” elkarbizitzarako plan berria eratzeko bideari ekin diogu. Eskolan girotze lanetan gabiltza, geletan ikasleekin ekimen ezberdinak eginez eta guraso eta irakasleak elkarlanean gaiaren inguruan informazioa jasoz eta ideiak tertulietan elkartrukatuz.

ERDI AROKO EGUNA ZIZURKILEN

Pedro Mari Otaño eskola 2017-05-19 08:43 Zizurkildarrok! Denboran atzera bidaiatzeko eguna ate joka dugu! Dagoeneko Pedro Mª Otaño eskolako ikasleak Erdi Arora joan etorriak eginez dabiltza: ohiturak, jolasak, jantziak... guztia prest dago!! Aurrera ba! Larunbatean, goizeko 11etatik aurrera Joxe Arregi plazan elkartuko gara garaiko arropak jantzi eta festarako gogoz.

SENIDE TERTULIA

Pedro Mari Otaño eskola 2017-04-28 08:17 MAIATZAK 4, OSTEGUNA ARRATSALDEKO 16:45etan P. M. OTAÑO ESKOLAKO GIMNASIOAN IRAKURGAIA: “GUIA PARA ENTENDER A TU HIJO DEL CENTRO YALE DE ESTUDIOS INFANTILES”. (23. kapitulua). TERTULIA DINAMIZATZAILEA: Mª LUISA JAUSSI INTERESATUTA ZAUDETEN GUZTIOK, IRAKURGAIA ESKURAGAI IZANGO DUZUE: - ESKOLAKO ZUZENDARITZAN - PLAZIDA OTAÑO LIBURUTEGIAN

Haur eta gazte literaturaren nazioarteko eguna ospatu dugu

Pedro Mari Otaño eskola 2017-04-01 20:25 Hezkuntza

Ostiralean, olerkiak eta abestiak ikasteko aukera izan zuten haurrek eta animaliek elkarlanean ilargia nola dastatu zuten ikusi ahal izan zuten. Jarraian, liburuzainen eskutik orri-markatzaileak sortzeko tailerra egin zuten. Haurrek zein gurasoek oso gustura hartu zuten ekimena.

»» Ikusi argazki guztiak (10)

Haur eta gazte literaturaren nazioarteko eguna Plazida Otañon

Pedro Mari Otaño eskola 2017-03-31 10:52 Gazteak

Ostiraletan Aiztondoko Plazida Otaño liburutegian egiten den ipuin tartea aprobetxatuko dute egun hau ospatzeko. Gaur, 17:45ean izango da hitzordua.

HAUR HEZKUNTZAKO IKASLEAK KONTU KANTARI

Pedro Mari Otaño eskola 2017-03-28 09:26 Hezkuntza

Gelak doinuz eta errimaz bete dituzte hiruhileko honetan haur hezkuntzako ikasleek, aho tradiziozko olerkiak oinarri harturik. Ahotsa, keinua, mugimendua eta jolasa lagun, beste urte batez, literaturaren hastapenetara jo dute errima eta erritmoa duten egitura hauekin gozatuz eta irudimena askatuz. Aurreko astean, guraso bolondres batek eskainitako olerki emanaldi bat ikusi eta entzuteko aukera izan zuten, eta atzokoan beraiek izan ziren protagonistak. Goizean Billabonako Fleming ikastetxeko ikasleak izan zituzten bisitan eta prestaturiko emanaldiak elkarri eskaini zieten; arratsaldean, berriz, herritar guztiak gonbidatu zituzten eskolako mediatekan eginiko errezitaldira. Euskara eta euskal kultura transmitituz, gure altxorra den hizkuntzarekin jolastuz, olerki berriak sortuz eta komunitate guztiarekin partekatuz bukaera polita izan du proiektuak. ...Eta hala bazan edo ez bazan, sar dadila kalabazan eta atera dadila Zizurkilgo plazan!

»» Ikusi argazki guztiak (5)

MARTXOAK 8, EMAKUMEEN NAZIOARTEKO EGUNA

Pedro Mari Otaño eskola 2017-03-09 12:44 Erantzun zabala izan zuen, atzo emakumeen nazioarteko eguna zela eta P.M. Otañoko gurasoek eginiko deialdiak. Urte guztian emakumeen eskubideen alde borrokan jarraitu beharra azpimarru besterik ez. Eskerrik asko guztioi!

MARTXOAK 8, EMAKUMEEN NAZIOARTEKO EGUNA

Pedro Mari Otaño eskola 2017-03-09 12:43 Erantzun zabala izan zuen, atzo emakumeen nazioarteko eguna zela eta P.M. Otañoko gurasoek eginiko deialdiak. Urte guztian emakumeen eskubideen alde borrokan jarraitu beharra azpimarru besterik ez. Eskerrik asko guztioi!

MARTXOAK 8, EMAKUMEEN NAZIOARTEKO EGUNA

Pedro Mari Otaño eskola 2017-03-09 12:43 Erantzun zabala izan zuen, atzo emakumeen nazioarteko eguna zela eta P.M. Otañoko gurasoek eginiko deialdiak. Urte guztian emakumeen eskubideen alde borrokan jarraitu beharra azpimarru besterik ez. Eskerrik asko guztioi!

PINTXO-POTEA BETAURREKO MOREAK SOINEAN

2017/03/08 18:30

JOXE ARREGI PLAZAN Zizurkil

Martxoak 8, emakumeen nazioarteko eguna ospatu eta aldarrikatzeko P.M. Otaño ikas-komunitateko Ombu guraso elkarteak pintxo-pote berezi batera dei egiten dizue. Betaurreko moreak jantzi eta herriko plazan elkartuko gara elkarrekin pintxo-potean aritzeko. (Betaurrekoak plazan banatuko dira)

KALDEREROAK ZIZURKILEN

Pedro Mari Otaño eskola 2017-02-16 07:59 Kaldereroak ate joka ditugu . Aurten ere, P.Mª Otañoko kideok zartari eta mailu hotsekin herriko kaleak alaituko ditugu. Beraz, ez ahaztu hitzordua, bihar ostirala arratsaldeko 15:15etik aurrera desfileari hasiera emango diogu eta!

SANTA AGEDA

Pedro Mari Otaño eskola 2017-02-07 07:22 P.Mª Otaño ikas-komunitateko kideak aterkia eta makila soinean, herriko kaleak eta tabernak Santa Ageda doinuez alaitu zituzten. Eguraldiak asko lagundu ez arren talde polita bildu zen eta Urkamendi elkartean pintxo batzuk janez eman zioten amaiera egunari.