Zizurkilgo Otaño eskolan Euskararen Eguna ospatu dute urtero ohitura duten bezala. Aurtengo ospakizunerako egitaraua bete betea izan dute.
Haur Hezkuntzakoak party apartan jolasten pasa dute goiza, aurpegiak margotuz eta esku-lan ezberdinak egiteko aukera izan dutelarik.
Lehen Hezkunzako ikasleek, goizean pertsonaia ospetsu baten bisita izan dute. Aurten, Nahia Zudaire igerilari usurbildarra gertuagotik ezagutzeko aukera izan dute. Honek, Parisko Joko Paraolinpikoetan bizi izandako esperientzia kontatu du besteak beste.
Arratsaldean berriz, eguraldia lagun ez izan arren, herri kirolez gozatzeko aukera izan dute Otañoko ikasle guztiek eskolako frontoian: Zaku karrerak, sagar biltzea, txingak… bezalako ekintzetan aritu dira ikasle, irakasle eta baita ekintza honetara gerturatu diren zenbait guraso ere.
Gaurko egunari amaiera emateko, gaztaina jana egin dute.
Otañon euskara, hitza eta giltza!