Aurten ere, ohiturari jarraituz, komunitatearen festa (Udaberri Fest) ospatuko dugu maiatzak 20an, asteartean.
Egun horretan, festa giroan elkarrekin hainbat ekintza egiteko aukera izango dugu:
- 15:15ean aitona-amonen bisita izango dugu eta eskolako pasabideetan zehar urteko erakusketa ikusteko aukera izango da.
- 16:40ean, Otañon, burlarik ez, irainik ez eskolako arauari erreferentzia eginez, Tontolapiko ipuinaren antzezpena izango dugu.
- Ondoren, Euskaraldiaren aurkezpena gauzatuko da ikasleen ahotik. Jarraian, Euskaraldiko talde argazkia atera eta guztion artean horma-irudiak egiteko aukera izango dugu. Ekitaldiari amaiera emateko, mokadutxoa izango dugu.