Eskolaren lehenengo hiruhilekoari amaiera emateko egun berezia izan dugu gaurkoa. Haur Hezkuntza eta lehenengo eta bigarrengo LHko ikasleek Mari Domingiren eta Olentzeroren bisita jaso dute. Hamaika galderez josi dituzte gure bi pertsonai kuttunak.
11.30etan eskola osoak frontoian hainbat abesti kantatu ditu elkarrekin. Ondoren hirugarren, laugarren, bosgarren eta seigarren mailako ikasleak soinu eta panderoz lagunduta Joxe Arregi plazara jaitsi dira. Bertara gonbidatu dituzte Uliazpiko taldekoak, Zizurkilgo jubilatuetako eta Hernandorena Kultur Elkarteko kideak. Euriari aurre eginez taldean abestu dute herriko plazan.