Datorren asteartean, urtarrilak 21, 16:40ean Otañoko komunitatean eredu dialogikoa oinarri harturik, gatazken prebentzio eta kudeaketarako bertan darabilten Ausarten Kluba deritzon erremintaren inguruan arituko dira. Horretarako, punta puntako hizlariak izango dira bertan: Harkaitz Zubiri, EHUko irakasle eta ikertzailea, eta baita Ane Olabarria eta Aitor Galar irakasle eta ikerlariak ere.
Eskolak, komunitateko kideak eta herritarrak gonbidatu ditu bertara. Haur zaintza zerbitzua ere izango dela jakinarazi dute antolatzaileek.
Ate irekiak urtarrilaren 25ean
Bestalde, Zizurkilgo Otaño herri eskolak “Guk Otaño!” lelopean, otsailaren 3tik 14ra egingo den aurrematrikulazio kanpainari ekin dio. Horretarako, datorren larunbatean, urtarrilak 25, ate irekiak antolatu ditu. Interesa duen orok 11:00etan izango du bertaratzeko aukera.