Musika xorta kolore askotarikoa eskaini digute aurten ere Tolosako Abesbatza Lehiaketan. Bakoitzak bere jatorritik eta kultur ikuskeratik, exijentziaren oztopo eta bihurguneak gainditu, eta ustez eta aukeran otu zaien kanta, doinu, kantaera eta sentimenduak jarri dizkigute gustagarrirako. Kantari gehientsuenak gazteak, ahotsa ere giharra izanik, kirolariak bailiran, ume-umetatik jakindurian heziak. Egokiera hau Euskal Herrian serioski garatzea eta estimatzeko egiturarik noiz sendotuko zain dago gure kultur immaterialaren ondarea! Ez dezagun gehiago ahanzturan utzi gure senaren parte garrantzitsu izan duguna.