TOPA Tolosaldea Osasun Publikoaren Aldeko Plataformako kideek Osasun zerbitzuaren okertzea eta enpresa egituraren sare ekonomikoa hitzaldia emango dute gaur, 18:30ean, Anoetako udaletxeko batzar aretoan.
Osasungintza publikoa eta kalitatezkoa eskatzeaz gain, egungo Asuncion klinikaren inguruan dagoen «iruzurraz eta zerbitzuaren okertzeaz» hitz egingo dute. Plataformatik esan dutenez, Tolosaldeko herritarrek osasungintza publikoa eta kalitatezkoa izateko eskubidea dutenez, «garrantzi handikoa» da herritarrek gaiaren inguruan gertatzen ari denaren jakitun izatea. Horregatik, herritar guztiak gonbidatu dituzte hitzaldira.
