Euskararen normalizazioan udalek hartutako erabakiak babestu dituzte 150 lagun inguruk Tolosan

Kontseiluak 19 udalerritan elkarretaratzeak deitu zituen gaurko, eta Tolosaldekoa, Tolosan egin da. 150 lagun inguru elkartu dira 'Estatuen esku-hartzeak salatu eta euskararen normalizaziorako udalen neurriak babesteko' leloaren atzean. Gipuzkoako Foru Aldundiko kideekin batera, eskualdeko udal ordezkariek eta eragileek hartu dute parte ekimenean. Tolosako udaletxearen aurrean elkartu eta eskuak marraztu ondoren, euskaraz bizitzeko eskubidearen aldeko mezua zabaldu dute. Horrez gain, Espainiako gobernuak EAEn duen ordezkariak, Carlos Urkijok, hainbat udalen hizkuntza irizpideen aurka jarritako salaketa deitoratu dute.