Ia 80 lagunek egin zuten elkarretaratzea larunbatean Espainiako Sevilla II kartzelaren kanpoaldean. Bi orduz irrintziak, txalaparta doinuak eta beste erabili zuten espetxe barruan gose greban dauden 11 presoei elkartasuna adierazteko, tartean Garikoitz Etxeberria lizartzarrari. Euskal Herritik bi autobus joan ziren, eta horietan joan ziren Tolosaldeko hainbat herritar. Espetxean pairatzen duten «politika zitalaren eraginez» sortutako egoera salatu asmoz, gose greban dago Etxeberria iragan urriaren 28tik.
Poliziak parte hartzaile guztiak identifikatu zituen eta txalaparta jotzeko makilak kendu zizkieten, baina geroago itzuli zituen.
