[Renotik] Mundutarrak

Erabiltzailearen aurpegia Iritzia

[Renotik] Mundutarrak

Duela gutxi Kaliforniako herri batera joan ginen kotxea hartuta (kontatuko dizuet hurrengo batean istorioa). 25 urtetik beherakoek txofer izatekotan plus bat ordaindu behar zutenez, eta espedizioko ez-hain-gazte bakarra izanda, gidatzea tokatu zitzaidan. Eta orduak, hizketaldiak eta errepideak pasatzen ari zirela, buruari pixka bat eragin nion.

[Renotik] Botoak eta bonbak

Erabiltzailearen aurpegia Iritzia

[Renotik] Botoak eta bonbak

Are you registered to vote? Erregistratu al zara bozkatzeko? Auskalo zenbat aldiz galdetu ote didaten gauza bera honez gero. Azaro hasieran da hemen legealdi-erdiko bozketa eta dagoeneko aste batzuk badira kalean bikoteak ikusten ditugula, karpeta bat eskuan, jendearengana hurbilduz.

[Renotik] Hilabete eta segi aurrera

Erabiltzailearen aurpegia Iritzia

[Renotik] Hilabete eta segi aurrera

Etzaten ari zela atera nion argazkia eguzkiari joan den larunbatean. Hona iritsi nintzenetik hogeita hamaikagarren iluntzea, horrelaxe iritsi bainintzen Renora, hegazkinetik egunaren azken printzak ikusten nituela, hilabete lehenago. 

[Renotik] Hemengo urrunean

Erabiltzailearen aurpegia gizartea

[Renotik] Hemengo urrunean

Aurrekoan hiriaz hitz egin nizuen, Reno den etxe eta eraikin multzo nahasiaz. Orain, berriz, hiru hilabetean nire etxe izango dudanaren sarreran eserita, urrunean ikusten diren mendiak erakutsi behar dizkizuedala pentsatu dut. Ezagutzen nauzuenek badakizue ez naizela oso mendizalea. Erdi txantxetan esan ohi dut ni mendi artean hazi izan naizela Albizturren eta ez daukadala oinez hasi beharrik haietara joateko. Baina paraje hauei begira sortzen zait halako epeltasun bat sabel aldean.

[Renotik] Hareazko herri hau

Erabiltzailearen aurpegia Iritzia

[Renotik] Hareazko herri hau

Ba al dakizue noiz sortu zen zuen herria? Eta nork? Ez naiz ari, ohikoa den bezala, «Albizturren lehen aipamena 1384. urtekoa da» gisako esaldi baten bila; bistakoa baita lehen aipamena baina lehenago izango zela herririk hor. Bestela ezin aipatua izan.

[Renotik] Amerikanoak

Erabiltzailearen aurpegia gizartea

[Renotik] Amerikanoak

«Amerikara noa». Atzera bueltarik ez zegoela konturatu nintzenean etorri zitzaidan esaldia gogora. Atzera kontua hasi zen, maletak egiteko buruhausteari heldu nion ezinbestean eta konturatzerako Hondarribian nengoen. 22 orduko bidaia nuen aurretik, guztiak egun argitan. Banindoan, bakarrik, 9.000 kilometrotara dagoen Reno hirira.

Nire Tourra

Erabiltzailearen aurpegia Iritzia

Tourra abiatu berri den egun hauetan dira hiru urte nire tesiaren lasterketa hasi nuela. Eta esan daiteke iritsi naizela lasterketaren hirugarren astera; datorren ikasturte honek erabakiko du ea Eliseoetan xanpaina edango dudan ala bidean geratu. Azken mendate bat igo eta sprinta, horixe geratzen da.

Zergatik sinetsi jainkoagan?

Erabiltzailearen aurpegia Iritzia

Ez iezadazue galdetu nondik nora, baina aurrekoan Wikipedian Hernando de Talavera monjearen orrira iritsi nintzen. Ba omen du liburu bat idatzia Zergatik sinetsi jainkoagan? Berak hala agintzen duelako izenburuarekin. Argudio dotorea da, borobila behintzat.

Betaurreko zaharrak eta berriak

Erabiltzailearen aurpegia Iritzia

Duela gutxi, urte berriarekin, betaurrekoak aldatu nituen. Zaharrak ez zeuden bereziki gaizki, iraun zezaketen gehixeago, baina merke antzean zeudela eta hortxe Haritz betaurreko berriekin. Zaharrak mesanotxean geratu ziren gordeta.

Gizon Jakintsua

Erabiltzailearen aurpegia Iritzia

«Gizon Jakintsua» Zaldieroa komikigilearen pertsonaia bat da, aspalditxoan desagertuta dabilena; pena, niri asko gustatzen zitzaidan eta.