Igandeetako zerbitzuez gain, zerbitzu bereziak eskainiko ditu Lurraldebusek. BU07 autobus zerbitzuan, Donostiatik (Askatasunaren hiribidetik) Tolosarantz bost autobus gehiago etorriko dira goizean. Arratsaldean, berriz, bost autobus gehiago irtengo dira Tolosatik (zezen plazatik) Donostiarantz.
Eskualdeko herrien kasuan, TO01 (Tolosa-Abaltzisketa-Tolosa), TO02 (Tolosa-Berastegi-Tolosa), TO03 (Tolosa-Orexa-Tolosa) eta TO04 (Tolosa-Asteasu-Tolosa) zerbitzuetan ere autobus gehiago egongo dira. Goizean, autobus gehiago egongo dira inguruko herrietatik Tolosara joateko; arratsaldean, berriz, autobus gehiago egongo dira Tolosatik inguruko herrietara joateko.
