Denboraldi historiko baten aurrean da Tolosaldeko Arraun Kluba. Emakumezkoen traineru propioa izango du berriro ere, eskualdeko arraunlariak batuz. Proiektuari bultzada eman nahian, eta elkarlanean oinarrituz, gehigarri berezia eta webgunea argitaratu ditu klubak ATARIArekin.
Gehigarri hori ATARIAko harpidedunek doan jaso dute gaurkoan, eta beste 1.000 ale banatuko ditu klubak gaurko pintxo potean eta larunbateko aurkezpenean.
Horrez gain, TAK eta bere babesleei esker, webgunean leku berezitua izango du klubak, eta bertan jarraitu ahal izango dira arraun denboraldiko xehetasun guztiak. tak.eus klikatuz gero iritsi daiteke bertara.
Gehigarriari dagokionez, honako edukiak topatu ahal izango dira (datozen egunetan online izango dira TAKen webgune horretan):
- Amaia Agirrek TAKi eskainitako bertsoa
- Itzea Urkizu kazetariak idatzitako Zia edo Boga iritzi-zutabea
- Traineruaren proiektuaren nondik norako guztiak
- Entrenatzaileei elkarrizketa
- Lau arraunlariei elkarrizketa
- Taldeko posterra eta arraunlarien fitxak
- Egutegia
- Isastegi Sagardotegiko Lasa familiari elkarrizketa
- Sabino Alijostes klubeko presidenteari elkarrizketa
- 2008ko Tolosa traineruaren inguruko erreportajea
- Tolosarekin arraun egin zuten hiru arraunlariei elkarrizketa
Aurtengo denboraldiaren berri ere elkarlanean emango dute TAKek eta ATARIAk.