Eta irribarrak, milaka… benetako irribarrak.
Ikasten ari gara denok. Sare sozial kudeatzaile profesionalak baino hobeak sortu dira, modan adituak, manager lanak egiten dituztenak, txosnetan aritzetik 200 lagunei jaten emateko gaitasuna hartu dutenak, etorri berri diren bizilagunak «epa» eta irribarra batekin agurtzen jaioak, bertako produktu eta gastronomian teoriatik praktikara pauso batzuk emandakoak… eta geure burua koordinatzen lanak genituenok ere, asko ikasitakoak.
Gogorra izaten ari da urtea, baina baita ederra ere. Askok esan didate, herritar batzuk bistaz soilik ezagutzen zituztela, eta orain, lagun direla Kilometroetan elkarlanean arituta. Kristorena da ondoren hori uztea. Atzera begira jarri gara, eta ekimen ugari atera ditugu aurrera denon artean, zein baino zein ederragoa; herritarren protagonismotik eta parte hartzetik, «herritik herriarentzat» lema hari bizia emanez. Bestelako Kilometroak sortzeko gure ekarpena utzi dugu aurreragoko ere. Eta geure buruari erakutsi diogu, txikiak izan arren, gauza handiak egin ditzakegula.
Bizi honetan, aterpean egon zaitezke, eroso; konfort egoeran. Edo, bustitzea erabaki dezakezu. Bustitzen bazara, gozatu euriaz. Nekatutak gaude, baina umorea ez dadila amaitu.