Tolosaldeako Milimetroaken barruan ikasleen arteko harremanei eman nahi izan diegu garrantzia berezia, azken bi urte hauetan hain mugatuak egon diren harremanei hain zuzen.
Horregatik, Euskal Herriko 11 ikastola batu ginen pasa den maiatzaren 20n. Horien artean; Argantzon eta Lautada ikastolak Arabatik, Abusu ikastola Bizkaitik, Tafallako ikastola Nafarroatik eta Manex Erdozaintzi Etxart kolegioa Behe Nafarrotik. Eskualdekoak, Zubimusu ikastola Billabonatik, Irurako ikastola, Anoetako Herri ikastola, Laskorain eta Inmakulada ikastolak Tolosatik eta Uzturpe ikastola Ibarratik.
Ibarran goizaldean harrera egin genuen, joko eta jolasak egin genituen, bazkaldu eta elkarrekin dantzatu genuen.