TAKE saskibaloi proiektua 1988ko azaroak 9an hasi zen. Nik urte horretan 11 urte bakarrik nituen, eta norbaitek esan izan bazidan saskibaloia oso garrantzitsua izango zela nire bizitzan, ez nion sinistuko. 20 urte daramatzat (erraz esaten da) saskibaloi kirol honetan murgilduta. Hau da, 20 urtez etxeko eta kanpoko partidak ikusten. Ez dakit oraindik nola nagoen bizirik.
Egia da saskibaloia ez dela kirol bat soilik, bizitzeko era bat baizik, eta TAKE-ren filosofiak oso ondo islatzen du hori.
Erraz ikusten ditugu partidak harmailetatik eta bakoitzak beti du bere iritzia. Zergatik ez dio pasa baloia libre dagoen jokalariari? Nola da posible tiro libreak huts egitea hainbeste urte pasa ondoren? Nola da posible hainbeste partida irabaztea urte hauetan arerioek kalitatea, eta fisikoki gu baina askoz gehiago izanda? Ematen du erraza dela eta denok saskibaloiko adituak garela , baino gero jokalariekin eta entrenatzaileekin hitz eginda, gauzak beste ikuspuntu batetik ikusten dira eta argudioak daudela konturatzen zara.
Nire azkenaurreko aipamena jokalarien familiakoei, neska lagunei, emaztei, lagun bereziei eta larunbatero Usabalera joaten diren pertsonei emango diet. Asko eskertzen da hainbeste jendea ikustea (gero eta gehiago) jokalarien eta entrenatzaileen ondoan. Azkenean, jokalarien arazoak, haserreak, pozak eta gora-beherak sufritzen dugunok, gu geu gara.
Aipamen berezi bat ere, bazkide txartela erosten dutenei, babesleei, eta Crowfounding-ean parte hartu duten pertsonei: hauei guztiei esker, EBA ligan jokatzea posible izan baita eta ametsa zena errealitate bihurtu dute. Espero dugu, denboraldia nola doan ikusita eta liga honek duen kalitateagatik, urte askotan maila honetan ibiltzea.
Segi dezagun TAKE osatzen dugunok bide berdinetik.
