Musikaz bete da Ibarra arratsaldean, eta jende ugari bertaratu da zuzenekoaz gozatzera. 15:30etan Distopiak girotu du herriko plaza, eta bertaratu direnak elektrotxarangak eskainitako doinuekin batera Ibarran barrena murgildu dira. 16:00etan Gabezin taldearen txanda izan da ikastolan, eta ondoren Andoni Ollokiegiren musika erritmoek girotu dute Azkueko plaza.
Arratsaldeko 17:00etan festa Ibarrako plazara bueltatu da Nikotinarekin. Reggae erritmoek plaza bete dute azkenera arte. Bitartean, txikienek ere musikaz eta dantzaz gozatzeko tartea izan dute Goazeneko protagonistekin ikastolan. Eta Duplaren musikaz gozatzeko aukera ere izan da 18:00etan, Emeterio Arresen. Horiek izan dira, hain zuzen, euskal musikaren ibilbideari amaiera eman diotenak.
