Zapirainek gogoratu duenez, udala eta ikastola oso loturik daude, izan ere, "herriko eskola bakarra da ikastola, eta oso txertatua dago Ibarran. Gure artean harremanak oso zuzenekoak dira. Azkenean, denok familia bat osatzen dugu".
Kilometroen hasierako ekitaldian, Ibarrako alkateak ikastolaren sortzaileak izan ditu gogoan: "Guraso eta irakasle haien lana azpimarratu nahi nuen, izan ere, urte oso gogorretan aritu ziren lanean, frankismo garaietan. Beste hainbat herritan bezala, euskara helburu hartuta, gogor aritu ziren lanean eta aurrera atera zuten. Gaur, hemen, horregatik gaude".