Kike Amonarrizek berriro ere festak egiteko aukera izatea azpimarratu du lehenik. Ondoren, euskarari bultzada sendoa egitea ezinbestekoa dela esan du. "Herri gogo hau funtsezkoa da, baina bakarrik ezin da utzi, erakundeen babesa beharrezkoa da".
Igor Agirrek "komunitate" hitza izan du gogoan. "Ekitaldian behin eta berriz erabili dute hitz hori, eta ezinbestekoa da. Urte osoan Ibarran jende piloa ibili da lanean. Giza antolakuntza horrek erakundeak alboan behar ditu, komunitate hori indartsuagoa izan dadin. Horrelako egunak aproposak dira horretarako".