Izaskun auzoko festak abiatu dira gaur Ibarran. Lehen egunerako Izaskun Kulturala antolatu du Uzturpe ikastolak Kilometroak festaren alde. 09:30ean Izaskundik bertatik mendi ibilaldi bat abiatu da eta 100 pertsona inguruk hartu dute parte bertan. Ibilaldian zehar, hainbat sorpresa izan dituzte parte hartzaileek. Loatzo musika eskolako musikariak edota Numen taldeko dantzariak atera bidera eta pintxoez gozatzeko aukera izan da. Irene Caminosek, berriz, erakustaldia egin du ibilaldiaren amaieran.
Norberak eramandakoarekin bazkaltzeko aukera izan dute ondoren eta bazkalostean umeentzako jolasak egingo dira. 17:00etatik aurrera musika emanaldia izango da, besteak beste, Andoni Ollokiegirekin.