;)

Erabiltzailearen aurpegia Josu Ozaita 2021ko abe. 4a, 15:58

Izan zen lotsa, eta era berean, munduko harrotasunik handiena. 

Harrotasuna, umiltasunez. Txikia, baina ez eskasa.

Transgresioa izan zen, erregimen bati hortzak erakusteko hautu politikoa. 

Herri mugimenduaren bileretako hizkuntza izan daiteke,

baina ez hurrengo zurito poteoko tertulia.

Eta urteen poderioz, hizkuntza burokratikoa dela. Diote. Ikasteko hizkuntza. 

«Kriston pille flipatzen den, hi!», entzun daiteke, ordea. Flipatu! Hi!

Hipsterrak hitz eginez, hiriburuan.

Altxorra eskuetan izatearen pirata sentsazioa. Eta altxorra konpartitzeko gogoa. 

Parrandan aritu zaitezke, haserretu harekin, eta maitasuna egin. Hobe. 

Emozionatu gaitu, hitz egiten jarri, eta elkartu; komunitatea egin.

Gorrotoa ere sortu dezake, erotismoari atea irekitzen ez dietenei.

Eta halako batean, giltza sekretu bilakatzen. Ikusezinei irribarrea bueltatzen diena. 

Herrian bertan mundu berri bat zabaltzeko atea irekitzea.

Itxi baino, irekia izan nahi duena; irabazteko.

Eta Sarrik zioen moduan, «euskara da gure territorio libre bakarra».

Hementxe gu, libertatea goza dezakegula konturatu gabe ;)

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!