Hitzarmena Kilometroak 2022 eta 'Ataria'-ren artean

Usue Sukia Zurutuza Uzturpeko zuzendaria, Nekane Artola Labordeta Kilometroak kultur elkarteko lehendakaria, Amaia Lasa Muñagorri Uzturpe ikastolako lehendakaria eta Iban Urdapilleta Alkizalete Ataria-ko kudeatzailea.

Tolosaldeko Atariak, Ibarrako Uzturpe ikastolak eta Kilometroak Kultur Elkarteak lankidetza hitzarmena sinatu dute 2022ko Kilometroak sustatzeko.

Nekane Artola Labordeta Kilometroak Kultur Elkarteko lehendakariak, Amaia Lasa Muñagorri Uzturpe ikastolako lehendakariak eta Iban Urdapilleta Alkizalete Ataria-ko kudeatzaileak sinatu dute lankidetza hitzarmena. Besteak beste, Kilometroak jaiaren barruan antolatzen diren ekitaldien jarraipen berezia egitea adostu dute.

Ataria eskualdeko hedabidea denez, Tolosaldean gertatzen denaren berri euskaraz ematea du helburu. Bide horretan, 2022ko Kilometroak Ibarran izango denez, sustapena egiteko hiru aldeak elkarlanean ariko dira. Urte guztian zehar euskarri ezberdinetan egingo du zabalpena: irratian, papereko edizioan eta Ataria.eus webgunean. Gai honen inguruan sortutako informazio guztia atal berezi honetan bilduko da.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!