Atariak bat egin du Udalerri Euskaldunen Egunarekin eta irratsaioa egingo du 10:00etan hasita Plaza Zaharretik. Besteak beste, Berastegiko Udala UEMAko udalerri bihurtuko den berria emango du TOLOSALDEKO ATARIA-k, zuzenean. Eguerdian, ekitaldi instituzionalaren berri eman eta gero, plazan egingo den flashmobaren irudiak hartu eta zabalduko ditu sarean. Era berean, egun horretan Tolosan zein eskualdean antolaturiko hamaika ekitaldi eta hitzorduren berri ere emango da.