Udalerri Euskaldunen Eguna

Larunbatean Tolosan Udalerri Euskaldunen Egunean parte hartzeko deia egin dute

Tolosako Euskararen Mahaia osatzen duten eragileek larunbatean Tolosan ospatuko den Udalerri Euskaldunen Egunean parte hartzeko deia egin die herritarrei. Euskal Herrian Euskaraz herri mugimenduko eragile euskaltzaletik ere jai egunari sostengua agertu diote, herritarrei bertan parte hartzeko deia egitearekin batera.

Aitzol Udal Euskaltegia, Banaiz Bagara elkartea, Kontseilua, Euskara Batzordea, Galtzaundi euskara elkartea eta Hirukide, Laskorain, Orixe, Samaniego eta Inmakulada ikastetxeetako ordezkariek  larunbatean Tolosan ospatuko den festan parte hartzeko deia egin dute. "Larunbatero Tolosan egiten den azokaz gainera, euskararen aldeko konpromisoak berritu eta elkarrekin dantza egin eta kantuan aritzeko aukera izango dugu".

Udalerri Euskaldunen Eguneko jai egunean parte hartzeko deia egitearekin batera, Tolosako kale erabilera neurketako datuak izan dituzte hizpide. Iñaki Azaldegi Tolosako Udaleko euskara teknikaria pozik azaldu da azken urteetan Tolosan euskararen erabilerak gora egin duela-eta: "Iraultza linguistikoa gertatu da". Izan ere, 1981ean, orotara, %16,4k erabiltzen zuen euskara, eta iazko datuen arabera, %47k. Batik bat, gazteen artean egin duela gora azpimarratu du.

Hala ere, lozorroan ez gelditzeko deia egin du, eta Tolosak euskararen arnasgune izateko erronka duela gogoratu du. "Horretarako, erabilera datuak %70era igo beharko luke".

Bestalde, datorren asteartean Leidorren 'Fenix11*23' filma botako dutela iragarri dute. Izan ere, herenegun ezin izan zen ikusi, hainbat arazo tekniko medio. Arratsaldeko 20:00etan izango da emanaldia, doan.

 EHE

Euskal Herrian Euskarazetik agertu dutenez, Udalerri Euskaldunen Egunean parte hartzea oso garrantzitsua da,  "izan ere, lehen egunetik UEMArekin bat, EHEk ere lau haizetara nahi du zabaldu udalerri euskaldunek euskararen orainean eta geroan jokatzen duten ezinbesteko papera. Udalerri euskaldunak arnasgune baitira: euskararen, euskaldunon, herri euskaldunaren arnasgune".

Erlazionatuak

Atariak irratsaioa egingo du Plaza Zaharretik

Tolosa

Atariak bat egin du Udalerri Euskaldunen Egunarekin eta irratsaioa egingo du 10:00etan hasita Plaza Zaharretik. Besteak beste, Berastegiko Udala UE...
Euskararen etorkizuna, itxaropen kolorez

Erabiltzailearen aurpegia Tolosa

Udalerri Euskaldunen Eguna izango da, bihar, Tolosan, eta eskualdea Euskal Herriko arnasgune izateko pauso sendoak ematea sustatuko dute, festaz ...
Bideoklipa

Tolosa

Maren Belastegi: "Sarri herritarren bizkar gainean jarri izan da euskararen erabileran ditugun hutsuneen zama"

Tolosa

Udalerri Euskaldunen Mankomunitateko lehendakaria da Maren Belastegi bergararra, eta, Tolosaldeko datuak pozgarriak direla dio; egiteko asko ikuste...
Egitaraua

Tolosa

Atzo bezala, etzi ere euskaraz bizitzeko deia

Tolosa

Datorren ekainaren 14an Tolosan ospatuko duten Udalerri Euskaldunen Eguna aurkeztu berri dute Donostiako Koldo Mitxelena kulturunean. Egun horr...
Adunarrek bat egin dute Udalerri Euskaldunen Egunarekin

Aduna

Adunako herritarrek Tolosan ospatuko den Udalerri Euskaldunen Egunari babesa adierazi diete
Xabat Laborde: "Euskaldun eta euskaltzale guztiei egiten diegu dei Udalerri Euskaldunen Egunean parte hartzeko"

Amasa-Villabona Tolosa

Komunitateari eskainitako irratsaioan Xabat Laborde Villabonako Euskal Herrian Euskaraz taldeko kidea elkarrizketatu dugu. Udalerri Euskaldunen Egu...
Mikel Zalbide, euskararen arnasguneei buruz

Tolosa

Pasa den astean, Galtzaundi Euskara Elkarteak antolatuta hitzaldia eman zuen Tolosako Kultur Etxean. Hona hemen hitzaldiaren zati bat.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!